|
Kapitulli: 1234. Ahzab - Fjala e Allahut, më i Miri Gjykues: "Ti (Muhamed) mund të largosh kë të duash prej tyre (radhën e bashkëshorteve) e të afrosh kë të duash ..." (Kuran 33: 51)
›
1761.
Aishja r.a. tregon: "Unë kam qenë xheloze për ato gra që ia kishin dorëzuar vetveten të Dërguarit të Allahut a.s. dhe thosha: "A e dorëzon gruaja veten?! Por kur Allahu i Lartësuar zbriti ajetin: "Ti (Muhamed) mund të largosh kë të duash prej tyre (radhën e bashkëshorteve) e të afrosh kë të duash e nuk është gjynah për ty që t'i kërkosh (ato) prej të cilave je larguar" (Kuran, 33:51). Unë i thashë Pejgamberit a.s.: 'Më duket se Zoti yt nxiton vetëm të të plotësojë dëshirat'!" (4788)
›
1762.
Aishja r.a. tregon: "Pasi u shpall ajeti: "Ti (Muhamed) mund të largosh (radhën e) kë të duash prej tyre e të afrosh (radhën e) kë të duash e nuk është gjynah për ty që t'i kërkosh (ato) prej të cilave je larguar" (Kuran, 33:51), i Dërguari i Allahut a.s. i merrte leje asaj gruaje prej nesh që kishte radhën, në qoftë se ai donte që atë natë të shkonte tek një tjetër, e cila nuk e kishte radhën. Dhe i thosha atij: "Në qoftë se unë nuk të jap leje që të shkosh te bashkëshortet e tjera, unë nuk do të lejoja që mirësia jote, o i Dërguari i Allahut, t'i dhurohej ndokujt tjetër në vendim tim!" (4789)
|