|
Libri: 73. Sjelljet e bukura
›
2007.
Ebu Hurejra r.a. tregon se një burrë shkoi tek i Dërguari i Allahut a.s. dhe e pyeti: "O i Dërguari i Allahut! Cili është njeriu që i meriton më shumë mirësjelljen dhe përkujdesin tim?" Pejgamberi a.s. iu përgjigj: "Nëna jote." Burri e pyeti: "Pastaj kush?" Pejgamberi a.s. iu përgjigj: "Pastaj nëna jote." Burri e pyeti përsëri: "Po pastaj kush?" Pejgamberi a.s. iu përgjigj: "Pastaj nëna jote." Ai e pyeti sërish: "Po pas saj, kush?" Pejgamberi a.s. i tha: "Babaiyt." (5971)
›
2008.
Abdullah Ibn Amr r.a. tregon se i Dërguari i Allahut a.s. ka thënë: "Nuk ka dyshim se një nga gjynahet më të mëdha është që njeriu të mallkojë prindërit e vet." E pyetën: "O i Dërguari i Allahut! E si mund t'i mallkojë njeriu prindërit e vet?!" Pejgamberi a.s. tha: "Një njeri i fyen babain dikujt tjetër, pastaj ky i fyen babain të parit; pastaj ai i fyen nënën dhe i dyti i fyen nënën të parit." (5973)
›
2009.
Xhubejri r.a. tregon se e ka dëgjuar Pejgamberin a.s. të thotë: "Ai që i prish lidhjet me të afërmit, nuk do të hyjë në Xhenet." (5984)
›
2010.
Ebu Hurejra r.a. tregon se Pejgamberi a.s. ka thënë: "Fjala rahm (mitra, lidhja e gjakut) rrjedh nga Emri Err-Rrahman (i Gjithëmëshirshmi, një nga Emrat e Allahut). Kështu që Allahu ka thënë: 'Unë do të mbaj marrëdhënie të mira me atë që mban marrëdhënie të mira me ty (me mitrën, barkun, farefisin) dhe do t'i pres marrëdhëniet me atë që i ndërpret marrëdhëniet me ty.,/ (5988)
›
2011.
Amr Ibn Aasi r.a. tregon: "E kam dëgjuar Pejgamberin a.s. të thotë hapur e jo fshehur: "Familjarët e Ebu filanit (Talibit) nuk janë mbrojtësit dhe ndihmuesit e mi. Padyshim që Ruajtësi e Mbrojtësi im është Allahu dhe besimtarët e drejtë e të vërtetë, por ajo familje ka afri barku me mua dhe unë do të jem i mirë dhe i respektueshëm ndaj tyre." (5990)
›
2012.
Abdullah Ibn Amri r.a. tregon se Pejgamberi a.s. ka thënë: "Mbajtësi i lidhjes fisnore nuk është ai që i shpërblen të afërmit për një të mirë që i bëjnë, por është ai që mban marrëdhënie të mira me ata të afërm që e kanë prishur mirëshkuarjen me të." (5991)
›
2013.
Aishja r.a. tregon: "Një beduin shkoi te Pejgamberi a.s. dhe i tha: "Ju i puthni fëmijët! Ndërsa ne nuk i puthim ata!" Pejgamberi a.s. i tha: "Çfarë të bëj unë, kur Allahu ta ka hequr mëshirën nga zemra?!" (5998)
›
2014.
Umeri r.a. tregon: "Një herë sollën te Pejgamberi a.s. disa robër lufte, gra dhe fëmijë. Aty pamë që një grua shtrydhte qumësht nga gjoksi i vet për t'ua dhënë fëmijëve dhe, sapo të gjente ndonjë fëmijë mes robërve, ajo e vinte në gjoks dhe i jepte të pijë. (Ajo e kishte humbur fëmijën e vet, por më pas e gjeti). Pejgamberi a.s. na tha: "A mendoni se kjo grua mund ta hedhë fëmijën e saj në zjarr?" Ne i thamë: "Jo, në qoftë se ajo mundet të mos e hedhë atje." Pastaj shtoi: "Allahu është më i Mëshirshëm me robërit e Tij sesa kjo grua me birin e saj!" (5999)
›
2015.
Ebu Hurejra r.a. tregon: 7/E kam dëgjuar të Dërguarin e Allahut a.s. të thotë: "Allahu e ndau Mëshirën në njëqind pjesë dhe mbajti për Vete nëntëdhjetë e nëntë pjesë, ndërsa një pjesë e dërgoi në Tokë. Për shkak të kësaj pjese të vetme, krijesat e Tij janë aq të mëshirshme ndaj njëra-tjetrës, saqë edhe pela e ngre thundrën nga mëzi i porsalindur që të mos e shkelë!" (6000)
›
2016.
Usama Ibn Zejd r.a. tregon: "Shpesh i Dërguari i Allahut a.s. më merrte e më ulte në njërën kofshë dhe Hasan Ibn Aliun e vinte në tjetrën, pastaj na përqafonte të dyve dhe thoshte: "O Allah! Mëshiroj këta të dy, sepse unë i mëshiroj!" (6003)
›
2017.
Ebu Hurejra r.a. tregon: "Një herë i Dërguari i Allahut a.s. u ngrit për të falur namazin e ne u ngritëm bashkë me të. Kur ai ishte në namaz, një beduin thirri: "O Allah! Më mëshiro mua dhe Muhamedin dhe mos mëshiro tjetër kënd me ne!" Mbasi dha selam, Pejgamberi a.s. i tha beduinit: "E ke ngushtuar shumë një gjë (Mëshirën e Allahut) që është tepër e gjerë!" (6010)
›
2018.
Nuëman Ibn Beshir r.a. tregon se i Dërguari i Allahut a.s. ka thënë: "Mund të shihni se besimtarët në mëshirën, dashurinë e në përzemërsinë ndërmjet tyre i ngjajnë një trupi të vetëm aq sa, kur vuan e rënkon një gjymtyrë e tij, atëherë i gjithë trupi ndan me të pagjumësinë dhe ethet." (6011)
›
2019.
Enesi r.a. tregon se Pejgamberi a.s. ka thënë: "Çdo muslimani që mbjell një bimë, do t'i llogaritet sikur ka dhënë sadaka, sa herë që nga kjo bimë (a pemë) të ushqehen njerëz ose kafshë." (6012)
›
2020.
Xherir Ibn Abdullahu r.a. tregon se Pejgamberi a.s. ka thënë: "
Kush nuk mëshiron, nuk mëshirohet.
›
2021.
Aishja r.a. tregon se Pejgamberi a.s. ka thënë: "Xhibrili a.s. më këshilloi aq gjatë për fqinjët, saqë mendova se mund t'i bënte ata trashëgimtarët e mi." (6014)
›
2022.
Ebu Shureihu r.a. tregon: "Një herë Pejgamberi a.s. tha: "Betohem për Allahun se nuk është besimtar! Betohem për Allahun se nuk është besimtar! Betohem për Allahun se nuk është besimtar!" E pyetën: "E kush është ky, o i Dërguari i Allahut?" Ai u përgjigj: "Është ai njeri, fqinji i të cilit nuk ndihet i sigurt dhe i qetë prej të këqijave të tij." (6016)
›
2023.
Ebu Hurejra r.a. tregon se i Dërguari i Allahut a.s. ka thënë: "Kushdo që beson Allahun dhe Ditën e Kiametit, le të mos lëndojë fqinjin e vet! Kushdo që beson Allahun dhe Ditën e Ringjalljes, le ta nderojë dhe ta gostitë mysafirin! Kushdo që beson Allahun dhe Ditën e Fundit, le të flasë mirë, ose le të heshtë (të mos përgojojë, të mos gënjejë, të mos fyejë, të mos shajë etj.)!" (6018)
›
2024.
Xhabir Ibn Abdullahu r.a. tregon se Pejgamberi a.s. ka thënë: "... Këshillimi dhe urdhërimi për Islam, për Besimin e pastër vetëm në Një Zot - Allahun dhe gjithë ç'përmban e ç'urdhëron kjo Fe e vetme e pranuar tek Allahu, është vepër bamirësie, Sadaka." (6021)
›
2025.
Aishja r.a. tregon se i Dërguari i Allahut a.s. ka thënë: "Allahu e do mirësinë dhe butësinë në çdo punë e në çdo gjë." (6024)
›
2026.
Ebu Musai r.a. tregon: "Një herë Pejgamberi a.s. tha: "Besimtari është për besimtarin si ajo ndërtesa, pjesët e së cilës forcojnë njëra-tjetrën "-, pastaj i ndërthuri gishtat e duarve. Në ato çaste Pejgamberi a.s. ishte ulur dhe aty erdhi një burrë, i cili lyp ose kërkoi diçka. Pejgamberi a.s. ktheu fytyrën nga ne dhe na tha: "Ndihmojeni e këshillojeni dhe do të shpërbleheni, ndërsa Allahu do të sjellë në gjuhën e Pejgamberit të Tij çfarë të dojë Vetë." (6026, 6027)
›
2027.
Enesi r.a. (duke përshkruar karakterin e të Dërguarit të Allahut a.s.) tregon: "Pejgamberi a.s. nuk ka qenë kurrë fyes, fjalëkeq apo mallkues. Në qoftë se donte të qortonte ndonjërin prej nesh, ai thoshte: "Ç'ka ai?! Iu bëftë balli me dhe"!" (6031)
›
2028.
Xhabiri r.a. tregon:
Pejgamberi a.s. nuk ka thënë kurrë "Jo", kur i kanë kërkuar ndonjë gjë.
›
2029.
Enesi r.a. tregon: "Unë i kam shërbyer Pejgamberit a.s. për dhjetë vjet, por kurrë nuk më tha: "Eh! (fjala më të lehtë për të treguar pakënaqësi) dhe as nuk më fajësoi për ndonjë gjë e të më thoshte: "Pse e bëre këtë?" Ose: "Pse nuk e bëre kështu?" (6038)
›
2030.
Ebu Dherri r.a. tregon se e ka dëgjuar Pejgamberin a.s. të thotë: "Në qoftë se dikush e akuzon një tjetër si "njeri me fe të prishur" apo "njeri që mohon fenë", një akuzë e tillë do t'i kthehet akuzuesit, në qoftë se i akuzuari është i pafajshëm". (6045)
›
2031.
Thabit Ibn Dahhaku r.a., një nga shokët që i dhanë besën Pejgamberit a.s. nën pemë në Hudejbije, tregon se i Dërguari i Allahut a.s. ka thënë: "Kushdo që betohet në ndonjë fe tjetër, veç Islamit, kur gënjen, atëherë ai me të vërtetë është i atillë. Biri i Ademit nuk është i detyruar të përmbushë betimin e dhënë për të bërë ndonjë gjë që ai nuk e ka në dorë. Kushdo që e vret veten me një send në këtë botë, do të ndëshkohet (ta vrasë veten) me atë send Ditën e Kiametit. Kush mallkon një besimtar, është njëlloj sikur ta ketë vrarë atë. Kush shpif për një besimtar se është femohues, është njëlloj sikur ta ketë vrarë atë." (6047)
›
2032.
Hudhejfa r.a. tregon se e ka dëgjuar Pejgamberin a.s. të thotë: "Nuk do të hyjë në Xhenet shpifësi e përgojuesi."379 (6056)
›
2033.
Ebu Bekra r.a. tregon: "Një herë u përmend emri i një burri në prani të Pejgamberit a.s. dhe dikush e lavdëroi shumë atë. Pejgamberi a.s. i tha: " Allahu të mëshiroftë! Ia preve qafën mikut tënd!"-, duke e përsëritur këtë fjalë disa herë. Pastaj ai (a.s.) tha: "Në qoftë se dikujt prej jush i duhet patjetër të lavdërojë dikë, atëherë le të thotë: 'Mendoj se ai është i këtillë e i atillë'-, nëse mendon për të ashtu. Vlerësuesi i vëtetë është vetëm Allahu, (sepse vetëm Ai i di të gjitha të fshehtat) dhe askush nuk mund t'ia paraqesë Allahut dikë si të pastër (nga të metat e gjynahet)." (6061)
›
2034.
Enesi r.a. tregon se i Dërguari i Allahut a.s. ka thënë: "Mos e urreni njëri-tjetrin, mos e kini zili njëri-tjetrin dhe mos ia ktheni shpinën njëri-tjetrit (duke e braktisur njëri-tjetrin), por jini vëllezër, o robërit e Allahut! Nuk është aspak e lejueshme për një musliman që të mbajë mëri me vëllain e vet musliman për më shumë se tri ditë." (6065)
›
2035.
Ebu Hurejra r.a. tregon se Pejgamberi a.s. ka thënë: "Ruhuni nga dyshimi, pasi dyshimi është gënjeshtra më e keqe! Mos kërkoni për gabimet e të tjerëve, mos e spiunoni njëri-tjetrin, mos jini ziliqarë ndaj njëri-tjetrit, mos e urreni njëri-tjetrin dhe mos e braktisni njëri-tjetrin, por jini vëllezër (siç ju ka urdhëruar Allahu), o robërit e Allahut!" (6064)
›
2036.
Aishja r.a. tregon se Pejgamberi a.s. ka thënë: "Unë mendoj se filani dhe filani nuk dinë gjë për fenë tonë." Sipas një transmetimi tjetër ai ka thënë: "Unë mendoj se filani dhe filani nuk e njohin fenë tonë, të cilën ne po e ndjekim e po i përkushtohemi." Lejthi, i pesti në vargun e përcjellësve të hadithit, thotë se ata ishin dy burra nga hipokritët. (6067)
›
2037.
Ebu Hurejra r.a. tregon se e ka dëgjuar të Dërguarin e Allahut a.s. të thotë: "Të gjithë pasuesve të mi do t'u falen gjynahet, përveç atyre që i bëjnë botërisht ato. Këtu hyn edhe rasti kur njeriu bën një gjynah natën, dhe ndonëse Allahu ia mbulon atë faj, ai del në mëngjes e thotë: 'O filan, mbrëmë kam bërë kështu e ashtu7. Pra, ai e kalon natën, duke qenë i mbuluar nga Zoti i tij, (dhe Allahu e di më së miri gjynahin e bërë nga robi i Tij), kurse në mëngjes e heq nga vetja mbulesën e Allahut!" (6069)
›
2038.
Ebu Ejjub Ensari r.a. tregon se i Dërguari i Allahut a.s. ka thënë: "Nuk i lejohet askujt që ta braktisë e të mos i flasë vëllait të vet musliman më shumë se tri net. Është e pafalshme për ta që, kur takohen, e kthejnë kokën mënjanë prej njëri-tjetrit. Më i miri i të dyve është ai që jep selam i pari." (6077)
›
2039.
Abdullahu r.a. tregon se Pejgamberi a.s. ka thënë: "Vërtetësia çon drejt drejtësisë e përkushtimit, të cilat çojnë drejt Xhenetit. Njeriu vazhdon të flasë të vërtetën, derisa bëhet njeri i së vërtetës. Ndërsa mashtrimi të çon drejt poshtërsisë e gënjeshtrës. Njeriu vazhdon të gënjejë, derisa të shkruhet tek Allahu si gënjeshtar." (6094)
›
2040.
Ebu Musai r.a. tregon se Pejgamberi a.s. ka thënë:
"Askush nuk është më i duruar se Allahu, kur dëgjon fjalë fyese. Ata pretendojnë se Ai ka bir (pasardhës, shokë, ortakë, ndërmjetësues etj.), e megjithatë Ai u jep atyre shëndet dhe i furnizon me begati." (6099)
›
2041.
Ebu Hurejra r.a. tregon se i Dërguari i Allahut a.s. ka thënë: "I fortë nuk është ai njeri që i mund të tjerët me forcën e tij, por i fortë është ai që e përmban veten kur është i zemëruar dhe i nxehur." (6114)
›
2042.
Ebu Hurejra r.a. tregon se një burrë i tha Pejgamberit a.s.: "Më këshillo!" Pejgamberi a.s. i tha: "Mos u nxeh!" Burri e përsëriti kërkesën disa herë, por Pejgamberi a.s. çdo herë iu përgjigj: "Mos u nxeh!" (6116)
›
2043.
Imran Ibn Husejni r.a. tregon se Pejgamberi a.s. ka thënë: "Turpi nuk sjell gjë tjetër, veçse të mirën." (Shih hadithin nr. 9 dhe shënimin përkatës). (6117)
›
2044.
Ebu Mesudi r.a. tregon se Pejgamberi a.s. ka thënë: "Nga fjalët e Pejgamberëve të parë që kanë arritur njerëzit është: 'Në qoftë se nuk ke turp atëherë bën ç'të duash'!" (6120)
›
2045.
Enesi r.a. tregon se Pejgamberi a.s. përzihej e rrinte me ne aq sa i thoshte një vëllait tim të vogël:
"O Ebu Umejr! Ç'bëri bilbili Nugejr?"380 (6129)
›
2046.
Ebu Hurejra r.a. tregon se Pejgamberi a.s. ka thënë: "Besimtari nuk pickohet dy herë nga e njëjta vrimë.// (Kush pëson, mëson dhe nuk bie viktimë po nga e njëjta gjë). (6133)
›
2047.
Ubej Ibn Kabi r.a. tregon se i Dërguari i Allahut a.s. ka thënë: "Vërtet që disa poezi përmbajnë urtësi." (6145)
›
2048.
Ibn Umeri r.a. tregon se Pejgamberi a.s. ka thënë: "Është më mirë për një njeri që ta mbushë kurmin e vet brenda me qelb, sesa ta mbushë me poezi." (6154)
›
2049.
Enesi r.a. tregon: "Një beduin shkoi te Pejgamberi a.s. dhe e pyet: "O i Dërguari i Allahut! Kur do të vijë Ora e Kiametit?" (Ky hadith është përmendur më parë nr. 1530/3688) ndërsa në këtë përcjellje shtohet: "Ti do të jesh me ata që do." Ne e pyetëm: " A do të jemi edhe ne të atillë?" Pejgamberi a.s. tha: "Po." (6167)
›
2050.
Ibn Umeri r.a. tregon se Pejgamberi a.s. ka thënë: "Çdo tradhtari e të pabesi do txi ngrihet një flamur Ditën e Kiametit dhe do të shpallet hapur: 'Ky është tradhtuesi e mashtruesi i filanit, i birit të filanit'." (6177)
›
2051.
Tregon Ebu Hurejra r.a. se i Dërguari i Allahut a.s. ka thënë: "Mos e quani rrushin kerm (fjalë e vjetër për rrushin), (sepse) kerm (bujare) është vetëm zemra e besimtarit." (6183)
›
2052.
Ebu Hurejra r.a. tregon se emri i parë i Zejnebit ka qenë Berrah, por njerëzit thoshin: "Me këtë emër ajo do t'i japë vetes prestigj shenjtërie"381-, kështu që i Dërguari i Allahut a.s. ia ndryshoi atë dhe e quajti Zejneb. (6192)
›
2053.
Enesi r.a. tregon: "Një herë Umm Suleim ishte me disa gra në kujdesje të plaçkave gjatë një udhëtimi, ndërsa Enxheshi, skllavi i Pejgamberit a.s. po i nxitonte devetë e tyre. Pejgamberi a.s. i tha: "O Enxhesh! Ngaji ngadalë devetë e ngarkuara me enë qelqi (me gra hipur në to)." (6202)
›
2054.
Ebu Hurejra r.a. tregon se i Dërguari i Allahut a.s. ka thënë: "Emri më i tmerrshëm tek Allahu Ditën e Kiametit është një njeri i quajtur Malikul- Emlak - mbreti i mbretërive." (6205)
›
2055.
Enesi r.a. tregon: "Dy burra teshtitën kur ishin te Pejgamberi a.s., ndërsa Pejgamberi a.s. njërit i tha: "Jerhamuk-Allah - Allahu të mëshiroftë" e tjetrit jo. Kur e pyetëm atë për këtë gjë, i Dërguari i Allahut a.s. tha: "Ky e falënderoi Allahun (tha elhamdulil-lah), ndërsa tjetri nuk e falënderoi Allahun." (6221)
›
2056.
Ebu Hurejra r.a. tregon se Pejgamberi a.s. ka thënë: "Allahu e do teshtitjen dhe nuk e pëlqen gogësitjhen. Kështu pra, kur dikush nga ju teshtin dhe falënderon Allahun (duke thënë 'El- hamdu lil-lah'), atëherë është detyrim për çdo musliman që e dëgjon atë t'i thotë: 'Jerhamuk-Allah - Allahu të mëshiroftë!7 Sa për gogësitjen, ajo është nga shejtani. Prandaj kur t'ju vijë për të gogësitur, mbajeni sa të mundni, sepse kur hapni gojën, shejtani qesh me ju." (6223)
|