|
Kapitulli: 1249. Kaf - Fjala e Allahut, Gjykuesit të Drejtë: "Ditën kur Ne do t'i themi Xhehenemit: 'A u mbushe?' ndërsa ai do të thotë: 'A ka më (për të ardhur)?"' (Kuran, 50:30)
›
1780.
Enesi r.a. tregon se Pejgamberi a.s. ka thënë: "Njerëzit do të hidhen në Zjarr, ndërsa ai do të thotë: 'A ka më (për të ardhur)?' (Kuran, 50:30) derisa Allahu do të vërë Këmbën e Tij mbi të e atëherë Xhehenemi do të thotë: 'Mjaft! Mjaft'!" (4848)
›
1781.
Ebu Hurejra r.a. tregon se Pejgamberi a.s. ka thënë: "Xheneti dhe Zjarri bënë fjalë. Zjarri tha: 'Më është dhënë privilegji që unë të pres arrogantët dhe tiranët." Xheneti tha: 'Ç'është me mua? Pse vetëm të dobëtit dhe të përulurit hyjnë tek unë?' Atëherë Allahu, i Lartësuari me Madhështi, më i Larti, i tha Xhenetit: 'Ti je Mëshira Ime dhe Unë mëshiroj me ty kë të dua nga robërit e mi/ Pastaj Allahu i tha Zjarrit: 'Ti je mjeti Im i ndëshkimit dhe Unë ndëshkoj me ty kë të dua nga robërit e mi, por secili prej jush do të ketë pjesën e vet për t'u mbushur/ Sa për Zjarrin, ai nuk do të mbushet plotësisht, derisa Allahu të vendosë Këmbën e Tij mbi të dhe ai të thotë: 'Mjaft! Mjaft! Mjaft!' Atëherë ai do të jetë i mbushur dhe anët e tij do të ngjeshen e do të afrohen pranë njëra-tjetrës. Allahu, i Lartësuari, Madhështori, nuk i bën padrejtësi askujt nga krijesat e Veta. Dhe sa për Xhenetin, Allahu, Gjithëkrijuesi, Mëshirëploti do të bëjë krijesa të reja (hyritë dhe shërbëtorët e Xhenetit) për ta mbushur atë." (4850)
|