|
Kapitulli: 1291. Mendimi se nuk duhet vazhduar gjidhënia e fëmijës pas dy viteve të para, sepse Allahu i Madhëruar thotë: "Nënat do t'u japin gji foshnjave të tyre dy vjet të plota. Kjo është për ata prindër që dëshirojnë ta plotësojnë kohën e dhënies gji." (Kuran, 2:233)
›
1841.
Aishja r.a. tregon se Pejgamberi hyri tek ajo dhe aty ishte ulur një burrë. Ndërkohë u duk sikur fytyra e Pejgamberit a.s. ndryshoi në shenjë mospëlqimi për këtë gjë. Ajo i tha: "Ky është vëllai im nga qumështi." Ai i tha: "Shihni mirë cilët janë vëllezërit tuaj të qumështit, pasi marrëdhëniet e afërsisë nga qumështi vendosen kur qumështi është ushqimi i vetëm i fëmijës."(5102)
›
1842.
Xhabiri r.a. tregon se i Dërguari i Allahut a.s. ka ndaluar që një burrë të ketë njëkohësisht për bashkëshorte një grua bashkë me hallën e saj, ose bashkë me tezen e saj. (5109)
|