|
Kapitulli: 1337. Çfarë kanë ngrënë zakonisht Pejgamberi a.s. dhe shokët e tij
›
1897.
Ebu Hurejra r.a. tregon: "Një herë Pejgamberi a.s. u ndau hurma shokëve të vet dhe i dha çdonjërit shtatë kokrra. Edhe mua më dha shtatë kokrra hurma, njëra prej të cilave ishte e thatë dhe e fortë. Megjithatë, asnjë kokërr tjetër nuk më pëlqeu sa ajo, sepse më shkoi më gjatë për ta përtypur." (5411)
›
1898.
Ebu Hurejra r.a. tregon se ai kaloi pranë një grupi njerëzish që kishin përpara një dele të pjekur. Ata e ftuan atë, por ai nuk pranoi të hante dhe tha: "I Dërguari i Allahut a.s. e la këtë botë pa u ngopur as edhe me bukë elbi!" (5414)
›
1899.
Aishja r.a. tregon: "Familja e Muhamedit a.s. nuk është ngopur asnjëherë me bukë gruri për tri net rresht, qysh kur erdhi në Medine e derisa ai (a.s.) vdiq." (5416)
|