|
Kapitulli: 1508. Ruajtja e gojës, thënia e Pejgamberit a.s. "Ai që beson Allahun dhe në Ditën e Fundit le të flasë mirë ose le të heshtë" dhe Fjala e Allahut të Madhëruar: "Nuk ka fjalë që njeriu ta nxjerrë nga goja, veçse për të është një vëzhgues pranë tij, i gatshëm për ta shënuar atë." (Kuran, 50:18)
›
2107.
Sehl Ibn Saadi r.a. tregon se i Dërguari i Allahut a.s. ka thënë: "Kushdo që më garanton dëlirësinë e asaj që ndodhet midis dy nofullave të tij dhe të asaj që ndodhet midis dy këmbëve (pra të ruajë gjuhën e gojës dhe dëlirësinë e moralit), unë i garantoj atij Xhenetin." (6474)
›
2108.
Ebu Hurejra r.a. tregon se Pejgamberi a.s. ka thënë: "Robi i Allahut mund të flasë një fjalë që e kënaq Allahun pa i dhënë asaj shumë rëndësi, por që, për shkak të saj, Allahu ia ngre atij shkallët e shpërblimit. Nga ana tjetër, robi mund të flasë një fjalë pa kujdes, e cila nuk e kënaq Allahun, pa menduar për pasojat e saj të rënda dhe prej saj do të hidhet në Xhehenem!" (6478)
|