|
Kapitulli: 454. Fjetja në orët e fundit të natës
›
596.
Abdullah Ibn Amr r.a. tregon se i Dërguari i Allahut a.s. i ka thënë atij: "Namazi më i dashur tek Allahu është namazi i Daudit a.s., edhe agjërimi më i dashur tek Allahu është agjërimi i Daudit a.s.: Ai flinte gjysmën e parë të natës, pastaj falej në një të tretën e saj dhe flinte përsëri në një të gjashtën e fundit; e sa për agjërimin, ai një ditë agjëronte dhe një ditë jo." (1131)
›
597.
Masruku tregon: "E pyeta Aishen r.a.: "Cila ka qenë puna më e dashur për Pejgamberin a.s." Ajo r.a. më tha: "Puna më e dashur për të Dërguarin e Allahut a.s. ka qenë ajo vepër që e bën njeriu pa iu ndarë asnjëherë asaj. E pyeta: "Kur ngrihej (për namazin e natës)?" Ajo më tha: "Ngrihej kur dëgjonte gjelat e parë." (1132)
›
598.
Tregon Eshëathi r.a.: Pejgamberi a.s. ngrihej për t'u falur (natën) kur dëgjonte të këndonin gjelat e parë." (1132)
›
599.
Aishja r.a. tregon: "Kur ishte tek unë, Pejgamberi a.s. i kalonte orët e fundit të natës vetëm në gjumë." (1133)
|