|
Kapitulli: 493. Ai që i bën gati vetë qefinat (para se të vdesë). Edhe në kohën e Pejgamberit a.s. (ka ndodhur një gjë e tillë) dhe ai nuk e ka kundërshtuar këtë
›
648.
Sehli r.a. tregon: "Një grua i solli Pejgamberit a.s. një Burda të endur me anë të thurura. Sehl i pyeti të pranishmit nëse e dinin se ç'është Burda. Ata i thanë se ajo është një lloj xhybeje dhe ai e pohoi këtë. Pastaj gruaja i tha: "E kam thurur me duart e mia dhe ta kam sjellë që ta veshësh ti." Ngaqë Pejgamberi a.s. kishte nevojë për të, e pranoi atë. Kështu, ai (a.s.) doli me të të veshur si veshje e poshtme. Dikush e lavdëroi shumë atë dhe tha: " A ma jep mua? Sa e mirë që qenka!" Të tjerët i thanë: "Nuk e bëre mirë! Pejgamberi a.s. e ka veshur atë nga nevoja, ndërsa ti ia kërkon atij atë, duke e ditur se ai kurrë nuk ia kthen kërkesën atij që i kërkon ndonjë gjë." Ai tha: "Për Allah! Në të vërtetë, nuk ia kërkova për ta veshur, por ia kërkova për ta bërë qefin për vete." Dhe vërtet më vonë kjo qe qefini i tij. (1277)
|